Msimu
uliopita Real Madrid ya Spain ilifanikiwa kunyakuwa ubingwa wa ulaya na kombe
la mfalme.Timu hiyo ilizungukwa na nyota wengi kama Ronaldo,Di maria,Alonso na wengine
wengi.Lakini
msimu ulipoanza kocha wa Real Madrid Carlo Anceloti aliwauza
baadhi ya nyota wake waliompa mataji msimu mmoja nyuma.Wengi hawakumuelewa
lakini mimi binafsi nilimuelewa sana.Mwalimu wangu wa uchumi alishawai
kunifundisha kuwa ukifanya kazi moja kwa muda mrefu ufanisi wa kazi hiyo lazima
utapungua au ukitumia chombo(mashine) kufanyia kazi moja kwa muda mrefu,ubora
na ufanisi wa chombo hiko unapungua kadiri unavyokitumia.Sambamba na hilo
nilifundishwa kuhusu kitu kinachoitwa ‘Fatigue’(uchovu).Mfanyakazi anapofanya
kazi moja kwa muda mrefu lazima ‘Fatigue’impitie.Haya yote yalikuwamo ndani ya
akili ya Anceloti.Mpaka Madrid inachukua kombe la Ulaya,Di maria ndiye mchezaji
aliyekuwa ametumika sana,Anceloti alifahamu fika hataweza kuuona tena ubora wa
Di maria na Alonso kama wa msimu uliopita.Akaamua kuleta wachezaji wapya ndani
ya kikosi chake.Ukiangalia Madrid ya msimu uliyopita na msimu huu ni tofauti
kabisa,Mbinu wanazotumia msimu huu ni tofauti na walizotumia msimu
uliopita.Tofauti hiyo inaletwa na wachezaji wapya kama Kroos na James Rodriguez.Na
ndio maana mpaka sasa Madrid inaendelea kutesa.
Huku kwetu
kwenye ligi kuu ya Tanzania kuna Timu iliibuka msimu uliopita na kushangaza
wapenzi na washabiki wa soka Nchini.Mbeya city ndio timu nnayoizungumzia.Mbeya
city msimu uliopita walishika nafasi ya tatu kwenye msimamo wa ligi kuu
Vodacom.Kumbuka ndio kwanza timu hiyo ilikuwa inapanda daraja.Hakuna mtu
aliyetegemea makubwa yaliyofanywa na wachezaji
wa timu hiyo ya mbeya city msimu uliopita.Licha ya ubora waliokuwa
nao,ila faida nyingine ilikuwa hakuna timu iliyokuwa inajua mbinu na mfumo wa
mbeya city.Mbeya city walitumia mwanya huo kusulubu timu zilizoshiriki ligi
hiyo msimu uliopita.Timu zetu kongwe zilionja joto ya jiwe kutoka kwa miamba
hiyo ya jijini Mbeya.Stamina,Pumzi ya kutosha pamoja na ‘chemistry’
aliyoitengeneza kocha Mwambusi ndio ilikua karata dume kwa mbeya City.Lakini
mbeya city ile ile ya jana imeshindwa kutamba leo.
Kila siku
sio jumapili,Mpaka tunapozungumza hivi sasa timu ya Mbeya city inashika nafasi
ya mwisho kwenye msimamo wa ligi kuu Tanzania Bara msimu huu.Timu ile ile na
kocha yule yule je Tatizo nini?.Moja kwa moja nafikiria akili ya Kocha
Mwambusi,Kocha huyo bado anaishi na kuamini kwenye jana yake huku mshale wake
wa saa ya mkononi unakwenda kasi kweli kweli.Mwambusi amekosa ubongo wa Carlo
Anceloti.Baada ya kumalizika kwa ligi kuu msimu uliopita Mbeya city hawajafanya
usajili wa mana zaidi ya kumsajili Themi Felix.”Wachezaji hao wanatosha sasa
tunaelekeza nguvu kwa timu ya pili itakayosaidia kujenga timu ya
wakubwa.Tumefanya kwa mahitaji kwa sasa wachezaji wetu wengi wapo kwa hiyo
hatukuona haja ya kujaza wachezaji wengi ambao hatutawatumia” hayo yalikuwa
maneno ya katibu wa mbeya city akibariki maamuzi ya kocha wake Mwambusi. Kocha
huyo wa mbeya city hakutaka kubadilisha kikosi chake akiamini kikosi
alichonacho kitafanya maajabu tena kwenye ligi ya msimu huu huku akisahau kitu kinachoitwa ‘Fatigue’.Kwa
mchezo wa kutumia nguvu waliokuwa wanatumia mbeya city,Ilikua ngumu kuuona
ubora ule ule wa Deus Kaseke,Mwagane Yeya na Paul nonga.Kwa nguvu kubwa walioitumia
wachezaji hao walihitaji mfumo mpya,na wachezaji wapya watakaowapunguzia uchovu
wao kwa msimu huu.Ila kwa mbinu zile zile anazotumia Kocha Mwambusi lazima ufanisi wa wachezaji hao upungue.
Kinachowakuta mbeya city si kigeni kwenye ulimwengu wa soka.Ukiangalia
hata kwa upande wa Azam nao wanaathiriwa na kitu hiko hiko.Kavumbagu ndio
tofauti kubwa ya Azam hii ya leo na ile ya jana iliyochukua ubingwa msimu
uliopita.Kocha wa Azam nae ameshindwa kuwatafutia wakina Sure boy dakika za
kupoza misuli yao iliyopmbana vilivo kuchukua Ubingwa wa ligi kuu msimu
uliopiota.Sure boy hawezi kufanya kile alichokifanya msimu uliopita hasilani
kwa kikosi na mfumo huo huo.Ukienda
mbele zaidi unaweza kujifunza pia kwa kwa Manchester City ya England.Kila msimu
unaofuata kutoka msimu wanaochukua ubingwa lazima wachemke.
Tatizo la
makocha wengi Duniani akiwemo Juma Mwambusi wanaamini sana kwenye mifumo na
mbinu zao za jana zilizowapa mafanikio.Huku wakisahau kitu kinachoitwa
‘Fatigue’.Mbeya City lazima wasajili wachezaji wa haja angalau watatu ili
kuleta chachu na kurudisha heshima ya mbeya city.Kocha Juma mwambusi inabidi
atambue kwa nguvu walizotumia wachezaji wake msimu uliopita lazima abadilishe
kikosi na mfumo ili kuwarejesha wachezaji hao mchezoni.Pia inabidi abadili
mbinu zake alizokuwa anazitumia msimu uliopita kwani wapinzani wameshazigundua.Mbeya
city ni lazima watumie kipindi hiki cha usajili kufanya mabadiliko ndani ya
kikosi chao.Kwa kufanya hivyo watainusuru timu yao mkiani na kurudisha heshima
kwa wana mbeya kwani ndani ya timu hiyo hakuna kingine zaidi ya Uchovu kwa
wachezaji na kupoteza mazoea ya ushindi waliokuwa nayo msimu uliopita.
Na Allen Kaijage.
0655106767
kaijagejr@gmail.com